Kennslufræði- og lýðheilsudeild

Lýðheilsufræðin í HR varð fyrir valinu þar sem áhugasvið mitt hefur alltaf snúið að almennri heilsu, aðstæðum og líðan fólks í samfélaginu. Ég sá fyrir mér að námið myndi veita mér góða innsýn í stjórnun og stefnumótun í lýðheilsu sem og rannsóknir og mat á þáttum sem hafa áhrif á heilsu og lífsgæði fólks. Kostir námsins eru einkum þeir að nemendur fá innsýn í margháttaðan heim lýðheilsuvísinda og lögð er áhersla á þekkingarsköpun og vísindalegt vinnulag. Námið hentar því vel þeim einstaklingum sem hafa áhuga á heilsu og áhrifaþáttum heilbrigðis í víðu samhengi. Þá er námið áhugaverður kostur fyrir fólk sem hefur áhuga á forvörnum og heilsueflingu hvers konar sem og þeim sem stefna á að vinna að sjúkdómavörnum. Lesa meira